港大中醫教你溫文科！

大家好，我係2019 DSEer Bryant 。我高中嘅選修科係中史、世史（英文），憑著三年嘅努力考獲雙史5** 。

一般人都以為雙史只係死背爛背，答題時只需要背書就滿分。其實並唔係，讀雙史講求一個字「通」，同學要明白到史事嘅脈絡，前因後果。答題上，需要一定嘅分析批判能力。文科題目並唔似理科得一個絕對答案，只要言之成理就能得分。所以，雙史都要求同學有一定嘅語文能力，務求能消化史料，運用批判思維同自己文字，配合史料回答題目。高中讀雙史嘅三年，我學習嘅資源並不單靠課本，更加會深究國內外史家嘅著作，從唔同角度分析史事，然後自製筆記。只要學懂如何「通」，考好雙史絕非難事。

我依家喺香港大學李嘉誠醫學院讀中醫全科學士。近年，香港中醫藥發展急速發展。預期2024年落成嘅中醫醫院更標誌中醫得以喺香港公營醫療系統扮演更重要角色，中醫藥發展潛力深厚，因此吸引更多文憑試考生，包括我在內修讀中醫。港大中醫全科學士(JS6482)課程為期六年，持有中醫全科學士學位者可報考香港中醫執業資格試。考試合格後，就可以成為註冊中醫。有意嘅同學要留意課程入學要求係兩科選修科目中獲取第三級或以上的成績， 而其中一科必須係Phy ,Chem ,Bio 又或者Combined Science。自問對救急扶危同中國文化有興趣，不妨考慮中醫課程。希望在港大醫學院見到你。

#studygram #DSE2020 #中醫 #港大醫學院 #T3533